نظام إدارة محلات الذهب
معمول لشغل الصاغة بالظبط
البيع بالوزن والعيار، المخزون بالقطعة، الكسر، الخزنة، حسابات العملاء، والقيود المحاسبية — كلها في مكان واحد، وبتتقفل مع بعضها آخر اليوم من غير ما تمسك ورقة وقلم.
شغّال فعليًا في محلات ذهب — مش نظام محاسبة عام اتظبط على الذهب.
كل اللي المحل محتاجه
مش بس فواتير. النظام ماسك دورة الذهب من ساعة ما يدخل المحل لحد ما يخرج، والفلوس والقيود بتتسجّل لوحدها.
نقطة بيع سريعة
بيع بالوزن والعيار والمصنعية، خصم، دفع مقسّم، وطباعة الفاتورة والتيكيت. وبتشتغل حتى لو النت فصل.
مخزون بالقطعة
كل قطعة بوزنها وعيارها وباركودها وصورتها. تعرف في أي لحظة عندك كام جرام في كل فرع.
الكسر
شراء الكسر من الزبون، تجميعه، وتسليمه للمورد بفروق التسليم — متسجّل خطوة بخطوة.
الخزنة والتحصيل
كاش وإنستاباي وبنك، وحركة كل خزنة لحظة بلحظة، وعدّ الدرج آخر اليوم.
حسابات العملاء
البيع الآجل، الأقساط، الدهب اللي ليه أو عليه، وكشف حساب يتطبع أو يتبعت للعميل.
محاسبة حقيقية
كل عملية بتولّد قيدها لوحدها: يومية، ميزان مراجعة، أرباح وخسائر. محاسبك هيلاقي شغله جاهز.
أكتر من فرع
تحويل بضاعة بين الفروع، وصلاحيات لكل موظف، وتقارير لكل فرع لوحده أو للكل مع بعض.
متجر إلكتروني
متجر باسم محلك ودومينك، بيعرض قطعك وأسعار الذهب لحظيًا، والطلبات بتوصلك في النظام.
بياناتك محفوظة
قاعدة بيانات مستقلة لكل محل، ونسخة احتياطية كل يوم متخزّنة برّه السيرفر.
إزاي بتبدأ
مش محتاج تشتري أجهزة ولا تقفل المحل يوم. الموضوع كله بيتم من على النت.
نتكلم ونفهم شغلك
بنشوف المحل بيشتغل إزاي، وكام فرع، ومين هيستخدم النظام.
بنجهّز لك النظام
بدومين باسمك وبياناتك وصلاحيات موظفينك، جاهز في نفس اليوم.
بندخّل المخزون
بنساعدك تدخّل القطع وأرصدة العملاء، وتبدأ شغل فعلي.
بنفضل معاك
دعم وتحديثات مستمرة، ونسخة احتياطية يومية من غير ما تعمل حاجة.
الباقات
اختار على قد محلك، وتقدر تكبّر في أي وقت من غير ما تبدأ من الأول.
Starter
محل واحد وبداية بسيطة
- فرع واحد
- لحد ٣ مستخدمين
- البيع والمخزون والكسر
- الخزنة وحسابات العملاء
- باك أب يومي
Standard
محل بفرعين وفريق أكبر
- لحد فرعين
- لحد ٨ مستخدمين
- كل مميزات Starter
- تحويل بضاعة بين الفروع
- تقارير وتنبيهات واتساب
Pro
أكتر من فرع وإدارة مركزية
- لحد ٦ فروع
- لحد ٢٥ مستخدم
- كل مميزات Standard
- متجر إلكتروني بدومينك
- دعم أسرع
اطلب عرض
سيب بياناتك وهنكلمك، أو كلّمنا على طول على واتساب.